luns, 30 de setembro de 2019
sábado, 21 de setembro de 2019
mércores, 18 de setembro de 2019
Orientacións para facer composicións en base a textos históricos
Con vistas a irnos preparando para as probas ABAU, imos dar unhas pautas para facer composicións en base a textos históricos:
PRIMEIRA: Unha composición non deixa de ser unha redacción, e para redactar non só hai que ter coñecementos, senón que tamén hai que saber razoar e relacionar.
SEGUNDA: Os textos, ou mesmo fotos, que se vos dan para facer a redacción son un apoio. En relación con eles NUNCA se debe facer:
ü Parafrasear os textos nin copialos. Tampouco se debe facer un megarresumen dos mesmos. Non se trata de resumilos, senón de apoiarse neles.
ü Tampouco se debe abusar de erudición, nin escaparse do contexto (como disto non sei moito, vou falar do que sei!!!!!), senón centrarse na época á que os textos se refiren. Ser concretos.
ü Aínda que é menos grave, tampouco se debe utilizar unha linguaxe esquemática (a modo de esquema, con guións, puntos, enumeracións, etc.), senón utilizar unha linguaxe narrativa.
Como cousas OBRIGATORIAS:
ü Sempre se deben mencionar os documentos (cando menos unha vez cada un), con expresións tales como: “como di o documento 1”, “segundo se reflexa no doc. 2”, ou “como vemos na imaxe 3”.
ü É moi recomendable facer unha pequena introdución e, ao final, unha conclusión (4 ou 5 liñas en cada caso) falando de feitos históricos anteriores, na introdución, e posteriores na conclusión. Evidentemente, feitos relacionados co tema da composición e que sirvan para introducila e a modo de colofón. A conclusión pode ir acompañada dunha valoración persoal ou xuízo crítico sobre o periodo analizado.
ü Débese ser obxectivo e non expresar ideas ou opinións persoais, tipo, por exemplo: “Franco era moi malo”, ou termos polo estilo. Por contra, débense utilizar datos históricos obxectivos. Exemplo: “A represión cobrou unhas 180.000 vidas, das cales 120.000 foron na zona franquista e 60.000 na republicana”.
ü Anécdotas históricas divertidas, como por exemplo falar dos amantes de Sabela II, das correrías de Filipe IV, etc, non veñen demasiado a conto nunha composición seria. Poderían ter cabida frases como “moitos asuntos de estado resolvíanse na alcoba real”, por exemplo.
Os pasos a seguir deberían ser os seguintes:
1. Lectura atenta, tanto do enunciado como dos textos, e subliñado dos mesmos.
2. Localización cronolóxica.
3. Sen que se plasme na composición, co obxecto de facilitar o análise, é recomendable clasificar o texto: autor; se sé trata dunha fonte primaria ou secundaria (obra dun historiador); cualificalo segundo o seu contido e forma (texto xurídico, político, económico, social) e polo seu destinatario (público ou privado).
4. Análise: Sinalar as ideas principais, e xerarquizalas (sen plasmalo na composición).
5. Redactar a composición, comentario e interpretación: segundo as pautas antes descritas.
mércores, 11 de setembro de 2019
Subscribirse a:
Publicacións (Atom)
-
Vídeo de Sala i Martín
